9 снежня 2016 г. – 80 гадоў з дня нараджэння Леаніда Мікалаевіча Салаўёва (1936), мастака
Леанід Мікалаевіч Салаўёў нарадзіўся 9 снежня 1936 года ў вёсцы Дзюкава Валагодскай вобласці (Расія). Бацька быў на фронце з 1941 года, загінуў у 1944. Маці працавала на чыгунцы, у чэрвені 1945 года яе перавялі ў Брэст і яна пераехала з чатырма дзяцьмі. Тут Леанід пайшоў у першы клас школы № 8. Наведваў студыю выяўленчага мастацтва Пятра Аляксеевіча Данеліі, які прывіў яму любоў да мастацтва, жывапісу, вызначыў лёс і творчы шлях мастака, даў рэкамендацыю ў Саюз мастакоў.
24 верасня 2016 года – 120 гадоў з дня нараджэння Францішка Віславуха (1896–1978), польскага вайсковага дзеяча, пісьменніка, мастака
Францішак Марыян Віславух (Выславух) нарадзіўся 24 верасня 1896 года ў вёсцы Пярковічы Кобрынскага павета Гродзенскай губерні (цяпер Драгічынскага раёна Брэсцкай вобласці) у заможнай польскай сям’і. Шляхецкі род Віславухаў вядомы з пачатку ХVІ ст. Бацька, Антоній Віславух (1864–1940), быў гісторыкам, бібліяфілам, настаўнікам Брэсцкай гімназіі. У сям’і было дзевяць дзяцей.
20 сакавіка 2016 г. – 105 гадоў з дня нараджэння Уладзіміра Васільевіча Старчакова (1911–1968), мастака
Уладзімір Васільевіч Старчакоў нарадзіўся 20 сакавіка 1911 года ў сяле Рагань Харкаўскага павета Харкаўскай губерні (цяпер гарадскі пасёлак Харкаўскага раёна Харкаўскай вобласці, Украіна) у сям’і будаўніка. У 1930–1936 гадах вучыўся ў Харкаўскім мастацкім інстытуце ў прафесара Сямёна Маркавіча Прохарава, у мастака Міхаіла Якімавіча Козыка. З трэцяга курса спецыялізаваўся на тэатральным аддзяленні ў мастака Анатолія Галакціонавіча Пятрыцкага.
10 мая 2016 г. – 80 гадоў з дня нараджэння Аляксандра Адамавіча Краўчука (1936–2014), мастака тэатра, педагога
Аляксандр Адамавіч Краўчук нарадзіўся 10 мая 1936 года ў г. Брэсце-над-Бугам (цяпер Брэст) у рабочай сям’і. У шасцігадовым узросце Саша Краўчук знайшоў гранату, якая раптоўна ўзарвалася. У выніку няшчаснага выпадку застаўся без прадплечча левай рукі; калі стаў дарослым, дык насiў пратэз.
27 сакавiка 2016 г. – 70 гадоў з дня нараджэння Леаніда Пятровіча Данелiя (1946), мастака, дызайнера
Леанiд Пятровiч Данелiя нарадзiўся 27 сакавiка 1946 года ў г. Брэсце. Яго бацька – брэсцкі мастак-жывапісец Пётр Аляксеевіч Данелія (1920–2012), удзельнік Вялікай Айчыннай вайны, адзін з заснавальнікаў Брэсцкага аддзялення Беларускага саюза мастакоў, заслужаны дзеяч мастацваў Беларусі (1995).
22 мая 2016 г. – 65 гадоў з дня нараджэння Анастасіі Іванаўны Фяцісавай (1951), мастака
Анастасія Іванаўна Фяцісава нарадзілася 22 мая 1951 года ў г. Брэсце. Яе бацька, Іван Якаўлевіч Фяцісаў (1920–1994), удзельнiк Вялiкай Айчыннай вайны, вядомы брэсцкi мастак-жывапісец, заслужаны работнiк культуры БССР (1989).
Насця Фяцісава ў дзяцінстве выяўленчым мастацтвам не захаплялася, нядоўга наведвала студыю М. С. Талмачова. Толькі з 8-га класа ёй захацелася маляваць, самастойна спрабавала акварэльныя фарбы. Па прапанове бацькоў у 1973 годзе закончыла Мінскае музычнае вучылішча імя М. Глінкі па класу баяна. Пасля сама выбрала свой лёс – паступіла ў Беларускі тэатральна-мастацкі інстытут. Вучылася з вялікім натхненнем у С. Баткоўскага, А. Семілетава, Л. Міронавай.
17 лютага 2016 г. – 65 гадоў з дня нараджэння Уладзіміра Дзмітрыевіча Тулупава (1951), мастака, педагога
Уладзімір Дзмітрыевіч Тулупаў нарадзіўся 17 лютага 1951 года ў г. Брэсце ў сям’і служачых. Схільнасць да малявання ва Уладзіміра праявілася рана, але толькі ў 15 гадоў трапіў у студыю выяўленчага мастацтва выдатнага педагога Міхаіла Сяргеевіча Талмачова (1922–1998) пры абласным Доме піянераў і школьнікаў.
30 мая 2016 г.– 65 гадоў з дня нараджэння Анатоля Міхайлавіча Хвісевіча (1951), мастака манументальна-дэкаратыўнага мастацтва, афарміцеля інтэр’ераў, жывапісца
Анатоль Міхайлавіч Хвісевіч нарадзіўся 30 мая 1951 года ў вёсцы Стахавічы Пінскага раёна Пінскай (цяпер Брэсцкай) вобласці. У 1973 годзе скончыў архітэктурны факультэт Брэсцкага інжынерна-будаўнічага інстытута.
12 чэрвеня 2016 г. – 75 гадоў з дня нараджэння Дота Саматавіча Абдусаматава (1941), мастака
Дот Саматавіч Абдусаматаў нарадзіўся 12 чэрвеня 1941 года ў пасёлку Шахрынау (Таджыкская ССР). Бацька працаваў правадніком – суправаджаў людзей цераз перавал. На пачатку Вялікай Айчыннай вайны бацька быў прызваны ў Чырвоную армію і загінуў на фронце. Мацi памерла ў час вайны, хлопчык выхоўваўся ў дзіцячым доме ў Душанбэ у рускамоўным асяродку.
22 кастрычніка 2015 г. – 100 гадоў з дня нараджэння Канстанціна Кандратавіча Казёлкі (1915–1991), самадзейнага майстра-разьбяра па дрэве, заслужанага дзеяча мастацтваў БССР (1957)
Канстанцін Кандратавіч Казёлка нарадзіўся 22 кастрычніка 1915 года на ст. Калінкавічы Мазырскага павета Мінскай губерні (цяпер горад у Гомельскай вобласці). Калі наблізіўся фронт Першай сусветнай вайны, яго бацька, Кандрат Казёлка, каваль з Давыд-Гарадка, з цяжарнай жонкай Марыяй Рыгораўнай і пяцігадовай дачкой рушылі ў бежанцы. Потым Казёлкі дабраліся да Кіева, дзе бацька ўладкаваўся матросам ў параходнае таварыства. Марыя Рыгораўна памерла праз два гады, бацька зноў ажаніўся і дзяцей выхоўвала мачыха.